Hasan Çeleng: Azərbaycanı bölgənin lider dövlətidir
Bakı, 26 fevral (AZƏRTAC). Beynəlxalq təşkilatlar, dünya dövlətləri Azərbaycanın ərazi bütövlüyünü tanıyır. Bütün bunlar sülh danışıqlarında Azərbaycanın mövqeyini daha da möhkəmləndirir.
Bu sözləri fevralın 26-da Bakıda Xocalı soyqırımının 20-ci ildönümü ilə bağlı keçirilən ümumxalq yürüşündə iştirak edən türkiyəli iş adamı Hasan Çeleng AZƏRTAC-a müsahibəsində bildirmişdir.
Azərbaycanın bölgənin lider dövləti olduğunu deyən H.Çeleng Ermənistanın heç bir sahədə özünü Azərbaycan ilə müqayisə edə bilmədiyini, eyni zamanda, işğalçı dövlətə göstərilən təzyiqin bu gün daha da güclənməkdə olduğunu qeyd etmişdir.
O demişdir: “Xocalı faciəsi erməni cəlladlarının son yüz ildən artıq dövrdə türklərə və digər qonşu xalqlara qarşı həyata keçirdikləri soyqırımı və etnik təmizləmə siyasətinin yeni mərhələsini təşkil etmişdir. Azərbaycanın müasir tarixinin ən kədərli və faciəli səhifələrindən biri olan fevralın 26-sı hər il Türkiyədə də dərin hüznlə qeyd edilir.”
Bölmənin digər xəbərləri
