HƏMAS ABŞ-ın Qəzza ilə bağlı qətnamə layihəsinə qarşı çıxıb
Bakı, 17 noyabr, AZƏRTAC
HƏMAS ABŞ-ın BMT Təhlükəsizlik Şurasına təqdim etdiyi Qəzza ilə bağlı qətnamə layihəsinə qarşı çıxıb.
AZƏRTAC xəbər verir ki, bu barədə hərəkatın sözçüsü Hazem Qasem “Əl-Cəzirə”yə açıqlamasında bildirib.
Onun sözlərinə görə, sənəddəki düzəlişlər və əsas müddəalar Qəzzada vəziyyəti sabitləşdirməyə xidmət etmir.
O deyib ki, ABŞ layihəsinə alternativ olaraq atəşkəsi gücləndirəcək və bölgədə beynəlxalq sülhməramlı qüvvələrin yerləşdirilməsinə imkan verəcək yeni sənəd hazırlanmalıdır.
Qasem qeyd edib ki, HƏMAS Təhlükəsizlik Şurasının İsrailin Qəzza, İordan çayının qərb sahili və Qüdsə qarşı “təcavüzünün qarşısını alacaq”, eləcə də fələstinlilərin öz müqəddəratını təyinetmə hüququnu təmin edəcək qətnamə qəbul etməsində israrlıdır.
Bu gün Təhlükəsizlik Şurası ABŞ-ın hazırladığı qətnamə layihəsini səsverməyə çıxaracaq.
Bölmənin digər xəbərləri
