“HƏRBİ QULLUQÇULARIN DÖVLƏT İCBARİ ŞƏXSİ SIĞORTASI HAQQINDA” QANUNA ƏLAVƏLƏR VƏ DƏYİŞİKLİKLƏR EDİLƏCƏKDİR
AZƏRTAC xəbər verir ki, hərbi qulluqçuların sosial vəziyyətinin yaxşılaşdırılması, onların həyat risklərinin lazımınca qiymətləndirilməsi məqsədi ilə müvafiq tədbirlər görülür. Milli Məclisin təhlükəsizlik və müdafiə məsələləri daimi komissiyasından bildirmişlər ki, tədbirlərin davamı olaraq “Hərbi qulluqçuların dövlət icbari şəxsi sığortası haqqında” Qanuna əlavələr və dəyişikliklər ediləcəkdir. Əlavə və dəyişikliklərdə deyilir ki, hər bir hərbi qulluqçu qanunvericiliklə müəyyən edilmiş minimum əmək haqqının on min misli məbləğində sığorta edilir. Qanuna görə, sığorta edilən hərbi qulluqçuya, hərbi xidmətdə (toplanışda) olduğu zaman həlak olduqda 100 faiz, xəsarət aldıqda, xəstələnmə nəticəsində xidmətdən buraxıldıqdan sonra üç il müddətində öldükdə 100 faiz, xidmətdə olduğu zaman itkin düşdükdə 100 faiz, xidmətdə olduğu zaman xəsarət alması nəticəsində hərbi xidmətə yararsız hesab edildikdə 25 faiz, yüngül xəsarət alması ilə əlaqədar sıradankənar hərbi xidmətə yararlı hesab edildikdə isə sığorta məbləğinin 5 faizi miqdarında sığorta ödənilir.
Qanun layihəsi təsdiqlənmək üçün Milli Məclisin müzakirəsinə çıxarılmışdır.
Bölmənin digər xəbərləri
