Hidrometeoroloqların çaylarda sululuğa dair proqnozları özünü doğrultmuşdur
Bakı, 9 iyul (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən 2012-ci ilin gursululuq dövrünün başa çatması ilə əlaqədar araşdırma aparılmışdır.
Nazirliyin mətbuat xidmətindən AZƏRTAC-a bildirmişlər ki, araşdırmalar çaylarda gözlənilən sululuğa dair verilmiş hidroloji proqnozların aprel ayında 82, may ayında 88, iyun ayında isə 67 faiz özünü doğrultduğunu müəyyən etmişdir.
Eyni zamanda, hidrometeoroloqların temperatur və yağıntı ilə bağlı proqnozları aprel ayında 78 faiz, mayda 84 faiz, iyunda 93 faiz özünü doğrultmuşdur.
Dünya təcrübəsində aylıq meteoroloji proqnozların özünü doğrultması 60-70 faiz təşkil edir.
Bölmənin digər xəbərləri
