HİNDİSTAN VƏ PAKİSTAN KƏŞMİRLƏ BAĞLI DANIŞIQLARDA UĞUR QAZANMIŞLAR

23.06.2004 [20:31]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Hindistan və Pakistan Kəşmirlə bağlı danışıqlarda, o cümlədən bu regiondakı 6 çayın hövzələrinin bölünməsi məsələsində müəyyən irəliləyiş əldə etmişlər. Bunu Pakistan və Hindistan nümayəndə heyətlərinin təmsilçiləri bildirmişlər.

Pakistan nümayəndə heyətinin üzvü Əşfəq Mahmud danışıqlar başa çatandan sonra Nyu-Dehlidə mətbuat konfransında demişdir ki, “problemlər, əslində, həll edilmişdir”. Hindistan nümayəndə heyətinin başçısı Duqqal bildirmişdir ki, “biz problemin həllinə yaxınlaşmışıq və müvafiq sənədləri hökumətlərimizə göndərəcəyik”.

Hər iki nümayəndə heyəti Hind çayı hövzəsinə dair 1960-cı ildə imzalanmış saziş çərçivəsində çayların suyundan istifadə ilə bağlı razılığa gəlmişlər. Həmin saziş Kəşmirdən axan 6 çayın hövzələrini iki dövlət arasında bölür.

HİNDİSTAN VƏ PAKİSTAN KƏŞMİRLƏ BAĞLI DANIŞIQLARDA UĞUR QAZANMIŞLAR

MÜƏLLİFLƏ ƏLAQƏ

Bölmənin digər xəbərləri