“İÇƏRİ ŞƏHƏR GÜNÜ” BAYRAM FESTİVALI KEÇİRİLƏCƏK
Mədəni İrsin Qorunması Layihəsinin İşçi Qrupundan AZƏRTAC-a bildirmişlər ki, məqsəd İçəri Şəhərin kasıb sakinlərinin benefisiar (onların bilavasitə iştirakı ilə həmin tədbirdən maddi və mənəvi qidalanması) olmalarının təşkil edilməsidir. Sosial-mədəni, məişət məsələlərinin həlli və xalqımızın adət-ənənələri ilə bağlı keçiriləcək bu kütləvi tədbir üçün hazırlanmış texniki tapşırığa əsasən İçəri Şəhər sakinlərinin, Bakının mədəniyyət və incəsənət xadimlərinin, sənət adamlarının rəy və təklifləri öyrənilərək ideyalar məcmusuna daxil edilmişdir.
İdeyaların hazırlanması və ən əhəmiyyətlisinin seçilməsi üçün Soros fondunun və Beynəlxalq İnkişaf Assosiasiyasının birgə maliyyə dəstəyi ilə ötən ilin noyabr-dekabr aylarında iki mərhələdə müsabiqə keçirilmişdir.
Hazırda layihənin işçi qrupu bu tədbirin təşkilatçısının seçilməsi üçün tender sənədlərini hazırlayır.
Festivalın keçirilməsi mayın axırlarında nəzərdə tutulmuşdur.
Bölmənin digər xəbərləri
