İCRA HAKİMİYYƏTİNDƏ GÖRÜŞ KEÇİRİLMİŞDİR
AZƏRTAC-ın müxbiri xəbər verir ki, ölkəmizin müxtəlif ali məktəblərində təhsil alan gənclərə daim qayğı göstərən, onların problemlərinin həllində yaxından iştirak edən Şəmkir Rayon İcra Hakimiyyəti bu günlərdə tələbələrlə növbəti görüş keçirmişdir. Görüşdə qeyd olunmuşdur ki, hazırda ölkəmizin və bir sıra xarici dövlətlərin ali məktəblərində min nəfərə yaxın şəmkirli təhsil alır. Keçən il tələbə adını qazanmış 225 nəfərin 10-u test imtahanlarında 600-dən artıq bal toplamışdır.
Görüşdə tələbələr Şəmkir Rayon İcra Hakimiyyətinə və rayonun imkanlı iş adamlarına minnətdarlıqlarını bildirmişlər. Sonda tələbələrdən bir qrupuna qiymətli hədiyyələr təqdim edilmişdir.
