İdarəetmə Sistemləri İnstitutu ili 29 mühüm elmi nəticə ilə başa vurub
Bakı, 30 dekabr, AZƏRTAC
Elm və Təhsil Nazirliyinin İdarəetmə Sistemləri İnstitutunda cari il üzrə müəyyənləşdirilmiş idarəetmənin nəzəri və tətbiqi problemləri, süni intellekt texnologiyaları və sosial-iqtisadi sistemlərin tədqiqi kimi əsas elmi istiqamətlər üzrə tədqiqatlar aparılıb və ümumilikdə 29 mühüm elmi nəticə əldə edilib.
AZƏRTAC xəbər verir ki, institut əməkdaşları tərəfindən 2025-ci ildə 367 elmi əsər, o cümlədən 136 məqalə dərc olunub. Məqalələrin 24-ü “Web of Science” bazasında, 27-si isə “Scopus” bazasında yerləşdirilib. Bundan əlavə, 5 kitab (1-i xaricdə), 4 dərs vəsaiti və 1 monoqrafiya (xaricdə) çap olunub, 3 Avrasiya patenti alınıb, tədqiqatçıların əsərlərinə 4290 istinad edilib.
Bölmənin digər xəbərləri
