İQTİSADİYYAT
İLƏ YEKUN VURULMUŞDUR
“Baksel” müştərək müəssisənin rəhbərliyi şirkətin 2002-ci ildəki işinə yekun vurmuşdur.
Şirkətdən AZƏRTAC-ın müxbirinə bildirmişlər ki,bu il “Baksel”in ötürücü stansiyalarının sayı 20 faiz artmışdır. Abunəçilərin sayını 200 mindən 300 minə qədər artırmağa imkan verən əsas ötürücü sistem işə salınmışdır. 2002-ci ildə şirkət əhatə dairəsini genişləndirmişdir. İndi Azərbaycanın 44 şəhərində “Baksel”in imkanlarından istifadə etmək mümkündür.
Bundan əlavə, “Baksel”-in abunəçilərinə xidmət növləri, qiymətlər və konturlar barədə məlumat almağa imkan verən kompüter sistemi təkmilləşdirilmişdir.
Bu il “Sinif” xidmətlər paketi Azərbaycan bazarına çıxarıldığı andan abunəçilərin sayı artmışdır. Gələn il “Baksel” özünün əhatə dairəsini daha da genişləndirmək, yeni xidmət növləri təklif etmək, bütün ölkədə abunə haqqı məntəqələrinin sayını artırmaq fikrindədir.
2003-cü ildə “Baksel” böyük reklam kampaniyası aparmağı da planlaşdırır. Bu il MM 5 reklam kampaniyası təşkil etmişdir. Onlardan biri - “Sinif - sərbəst seçim” gələn il Fransada keçiriləcək ən yaxşı reklamverənlər müsabiqəsinə təqdim olunacaqdır.