İnstitutun Tədris-İnnovasiya Mərkəzinin veb-saytı hazırlanıb
Bakı, 6 mart, AZƏRTAC
Azərbaycan Milli Elmlər Akademiyası (AMEA) İnformasiya Texnologiyaları İnstitutunun Tədris-İnnovasiya Mərkəzinin veb-saytının təqdimatı olub.
İnstitutdan AZƏRTAC-a bildiriblər ki, bu elm müəssisəsinin proqramçısı Raqif İsmayılov sayt haqqında ətraflı məlumat verib. O qeyd edib ki, yeni resurs “Ana səhifə”, “Mərkəz haqqında”, “Tədris”, “Kurslar”, “Olimpiadalar”, “Nəşrlər”, “Xəbərlər”, “Xidmətlər”, “Qalereya” və s. bölmələrdən ibarətdir.
Saytın “Xəbərlər” bölməsində informatika fənninin tədrisi, doktorluq imtahanlarının qəbulu, distant kurslar, seminarların təşkili və digər məlumatlar yer alacaq.
R.İsmayılov saytın proqram və informasiya təminatı baxımından yüksək səviyyədə hazırlandığını, bütün müasir tələblərə cavab verdiyini və burada ən son texnoloji yeniliklərin reallaşdırıldığını nəzərə çatdırıb. Bildirib ki, Azərbaycan və ingilis dillərində fəaliyyət göstərəcək veb-saytda doktorant və dissertantlar üçün online şəkildə sınaq imtahanı vermək imkanı da yaradılıb. Saytda, həmçinin “Videoqalereya”, “Fotoqalereya” və “Nəşrlər” bölməsi də fəaliyyət göstərəcək.
Bölmənin digər xəbərləri
