İRADƏ HAŞIMOVA ASİYA ÖLKƏLƏRİ KUBOKUNUN SAHİBİDİR
2002-ci ildə Finlandiyada güllə atıcılığı üzrə dünya çempionatının gümüş mükafatına layiq görülmüş İradə Haşımova martın 11-dən 14-dək İranda keçirilmiş Asiya ölkələri kuboku uğrunda yarışlarda qalib gəlmişdir. Gənclər, İdman və Turizm Nazirliyinin mətbuat xidmətindən AZƏRTAC-ın müxbirinə bildirmişlər ki, Azərbaycanın qadınlardan ibarət yığma komandasının heyətində üç idmançı olmuşdur. İradə Haşımova kiçik çaplı tapançadan atəş açmaqda 572 xal, pnevmatik tapançadan atəş açmaqda isə 382 xal toplayaraq Kubokun sahibi olmuşdur. Ruqiyyə Bağırova hər iki növdə dördüncü nəticə göstərmişdir. Komanda hesabında idmançılarımız birinci yer tutmuşlar.
Bölmənin digər xəbərləri
