İran diplomatı silahlı basqına məruz qalıb

11.03.2021 [11:41]
Çap et
A⁺ A^-

Tehran, 11 mart AZƏRTAC.

İranın Əfqanistandakı səfirliyinin əməkdaşına qarşı silahlı hücum olub.

AZƏRTAC xəbər verir ki, bu barədə səfirliyin yaydığı açıqlamada bildirilib. Qeyd olunub ki, səfirliyin əməkdaşı avtomobillə bazardan qayıdarkən yolda oğruların hücumuna məruz qalıb. Onlar maşını diplomatın əlindən almağa çalışıblar. Lakin diplomat onların məqsədini anladıqdan sonra avtomobildən düşməyib və yoluna davam edib. Bu zaman səfirliyin avtomobilinə odlu silahdan bir neçə dəfə atəş açılıb.

Xoşbəxtlikdən səfirliyin əməkdaşı xəsarət almayıb. Əfqanistanın hüquq-mühafizə orqanları baş verən insidentlə əlaqədar araşdırmaya başlayıb.

Rabil Kətanov

AZƏRTAC-ın xüsusi müxbiri

Tehran