İran “Qədir” adlı iki yeni radar sistemini ordunun sərəncamına təqdim edib

07.10.2020 [11:04]
Çap et
A⁺ A^-

Tehran, 7 oktyabr, AZƏRTAC

İran “Qədir” adlı iki yeni radar sistemini ordunun sərəncamına təqdim edib.

AZƏRTAC xəbər verir ki, bu münasibətlə Yəzd şəhərində keçirilən mərasimdə İranın Hava Hücumundan Müdafiə Qüvvələrinin komandanı general-mayor Əbdülrəhim Müsəvi çıxış edib. O bildirib ki, 360 dərəcəli əhatə dairəsi olan yeni radar sistemi 1000 kilometrlik məsafəni nəzarətdə saxlamaq imkanına malikdir. Bu sistem dördölçülü formadadır, çoxsaylı ötürücü və qəbuledicilərdən ibarətdir.

Yeni “Qədir” radar sistemi Yəzd şəhərində quraşdırılaraq istismara Hava Hücumundan Müdafiə Qüvvələrinin istifadəsinə verilib.

Rabil Kətanov

AZƏRTAC-ın xüsusi müxbiri

Tehran