İsrail təyyarələri Livanın cənubuna zərbələr endirib
Bakı, 30 mart, AZƏRTAC
İsrail Hərbi Hava Qüvvələrinə məxsus təyyarələr Livanın cənubundakı Əl-Taybə şəhərinə üç dəfə raket zərbəsi endirib.
AZƏRTAC Livan 24 telekanalına istinadla xəbər verir ki, raket zərbələri “Hizbullah” hərəkatı döyüşçülərinin səhər saatlarında İsrailin nəzarətində olan ərazilərə hücumuna cavab olaraq həyata keçirilib. Hərəkatın sosial media hesabında yayımlanan bəyanata görə, Ramim qəsəbəsindəki hərbi kazarmalara hücumlar “Qəzza sektoruna” dəstək məqsədi daşıyır.
Həmçinin martın 29-da İsrail Hərbi Hava Qüvvələrinin təyyarələri Suriya hökuməti tərəfində döyüşən “Hizbullah” qüvvələrinin Hələb şəhəri yaxınlığındakı silah anbarlarına raket zərbələri endirib. Hücum nəticəsində 44 nəfərin, o cümlədən “Hizbullah”ın yeddi döyüşçüsünün həlak olduğu bildirilir.
Bölmənin digər xəbərləri
