İstanbul hava limanı Avropanın ən çox reys həyata keçirilən aeroportu seçilib

09.03.2021 [13:00]
Çap et
A⁺ A^-

İstanbul, 9 mart, AZƏRTAC

İstanbul hava limanı ötən həftə Avropanın ən çox reys həyata keçirilən aeroportu seçilib.

AZƏRTAC xəbər verir ki, bu barədə aeroport məlumat yayıb. Bildirilir ki, bütün dünyada öz təsirini göstərən pandemiya şərtinə baxmayaraq, İstanbulun yeni hava limanından martın 1-7-də orta hesabla 551 reys həyata keçirilib.

Qeyd edək ki, 2020-ci ildə Beynəlxalq Hava Limanları Şurası (ACI) tərəfindən “Hava limanı sağlamlıq akkreditasiyası” proqramı çərçivəsində sertifikat alan ilk aeroport olan İstanbul hava limanı, eyni zamanda, keçən il sərnişin sayına (23 milyon 409 min 132 sərnişin) görə də Avropada birinci olub.

Günel Məlikova

AZƏRTAC-ın xüsusi müxbiri

İstanbul