İSVEÇRƏ AVR0-2004-DƏ PORTUQALİYAYA HƏRBİ YARDIM GÖSTƏRƏCƏK

31.05.2004 [16:57]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, İsveçrə nəinki futbol üzrə Avropa çempionatında iştirak edəcək, həm də yarışların təşkilatçılarına – portuqaliyalılara hərbi yardım göstərəcəkdir. Belə ki, futbol xuliqanları ilə mübarizə üçün İsveçrədən Portuqaliyaya xüsusi dəstə göndəriləcəkdir. Onlar 400 isveçrəli xuliqan haqqında məlumat da aparacaqlar.

Bu dəstə, əsasən, İngiltərə, Xorvatiya və Fransadan olan azarkeşlərlə üz-üzə gələcək öz azarkeşləri ilə işləyəcəkdir. İyunun 17-də keçiriləcək İsveçrə-İngiltərə görüşü bu mütəxəssislər üçün xüsusilə ciddi sınaq olacaqdır. Çünki ingilis azarkeşləri öz nalayiq əməlləri ilə bütün dünyada ad çıxarmışlar.

Əlbəttə, xata-bəladan uzaq olmağın ən yaxşı yolu İsvecrənin İngiltərədən nümunə götürüb, ipə-sapa yatmayan azarkeşlərini Portuqaliyaya buraxmaması olardı. Lakin İsveçrə qanunlarına görə, hər bir vətəndaşın başqa dövlətə getmək azadlığı var. Odur ki, ölkədə ən təhlükəli sayılan futbolsevərlər - “Qrashoppers” və “Bazel” komandalarının azarkeşləri də Portuqaliyaya gedə bilərlər.

İSVEÇRƏ AVR0-2004-DƏ PORTUQALİYAYA HƏRBİ YARDIM GÖSTƏRƏCƏK

MÜƏLLİFLƏ ƏLAQƏ

Bölmənin digər xəbərləri