İtaliyada anomal istilər: 17 şəhərdə “qırmızı” xəbərdarlıq elan edilib

23.08.2023 [02:51]
Çap et
A⁺ A^-

Roma, 23 avqust, AZƏRTAC

İtaliyada müşahidə olunan anomal istilərlə əlaqədar paytaxt Roma daxil olmaqla, 17 şəhər üçün “qırmızı” xəbərdarlıq elan edilib.

AZƏRTAC xəbər verir ki, avqustun 23-də ölkə ərazisində rütubətin rekord səviyyədə olacağı bildirilib. Havanın temperaturunun 40 dərəcəni ötəcəyi, bəzi yerlərdə isə 48,8 dərəcəyə çatacağı, yarımada ərazisində 900 metr yüksəklikdə isə 39 dərəcə olacağı gözlənilir.

Müxtəlif şəhərlərdə insanlar arasında günvurma və istivurma halları qeydə alınıb.

Meteoroloqlar anomal istilərin qarşıdakı günlərdə də davam edəcəyini bildiriblər.

Nihad Budaqov

AZƏRTAC-ın xüsusi müxbiri

Roma