İyulun birinci ongünlüyündə havanın minimum temperaturu Mərəzə və Gədəbəydə qeydə alınıb
Bakı, 21 iyul, AZƏRTAC
Respublikanın əksər bölgələrində iyul ayının birinci ongünlüyü havanın orta temperaturunun çoxillik iqlim normasına yaxın, bəzi yerlərdə 1º yüksək olması və az yağıntılı hava şəraiti ilə səciyyələnib.
Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, havanın dekadalıq orta temperaturu paytaxt üzrə Maştağada 24.9º, Naxçıvanda 25,5º, Mil-Muğan, Mərkəzi Aran və Qarabağ bölgələrində 25-26º, Lənkəran-Astarada 22-25º, Gəncə-Goranboyda 23-27º, Qubada və Dağlıq Şirvan bölgəsində 21-22º, Şəki-Zaqatalada 24-25º, Qazax-Tovuzda 17-26º təşkil edib.
Havanın minimum temperaturu Mərəzə və Gədəbəydə 11º, İsmayıllı, Şamaxı və Naxçıvanda 12-13º, Şəki, Zaqatala və Qubada 14-15º, Gəncə, Lənkəran və Acınohurda 16º , Maştağa, Cəfərxan, Zərdab və Astarada 18º, Bərdə, Göyçay və Ceyrançöldə 19º qeydə alınıb.
Bölmənin digər xəbərləri
