İYUNUN 20-DƏ GÜRCÜSTANDA BEYNƏLXALQ QAÇQINLAR GÜNÜ QEYD EDİLƏCƏKDİR

18.06.2004 [23:41]
Çap et
A⁺ A^-

BMT-nin Qaçqınlar üzrə Ali Komissarlığı missiyasının təşəbbüsü ilə iyunun 20-də Gürcüstanda Beynəlxalq qaçqınlar günü qeyd ediləcəkdir. Bu gün dünyada 4-cü, Gürcüstanda 3-cü dəfə qeyd olunur. Həmin gün Gürcüstanda BMT-nin Qaçqınlar üzrə Ali Komissarlığı missiyasının başçısı Navid Hüseyn və Gürcüstan qaçqınların işləri və məskunlaşdırma naziri Eteri Astemirovanın Pankisi dərəsində və Axmeta rayonunda məskunlaşmış qaçqın çeçenlər ilə görüşü, müxtəlif mədəni tədbirlər və idman yarışları keçirilməsi planlaşdırılmışdır.

Gürcüstan Qaçqınların İşləri və Məskunlaşdırma Nazirliyindən verilən məlumata görə, hazırda bu bölgədə 3.856 nəfər qaçqın çeçen yaşayır.