Kamala Harris prezidentliyə namizədliyini qəbul edib
Vaşinqton, 21 avqust, AZƏRTAC
ABŞ-ın vitse-prezidenti Kamala Harris Demokratlar Partiyasından prezidentliyə namizədliyini simvolik olaraq qəbul edib.
AZƏRTAC-ın məlumatına görə, partiyanın Çikaqo şəhərində keçirilən milli qurultayı zamanı təmsilçilərin səsvermə mərasimindən sonra onun namizədliyi qəbul etməsinə dair videomüraciəti nümayiş olunub. Harrisin çıxışı qurultayın sonuncu günü, avqustun 22-nə nəzərdə tutulub.
Kamala Harris avqustun əvvəlində keçirilmiş onlayn səsvermə zamanı partiyasının prezidentliyə namizədi kimi rəsmən təsdiqlənmişdi. Demokratlar Partiyasının Çikaqoda keçirilən milli qurultayında bu gün 57 nümayəndə təntənəli səsvermə mərasimində iştirak edərək səslərini təsdiqləyiblər.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
