Keçmiş məcburi köçkün: Bu gün mənim üçün unudulmaz gündür, doğma torpaqlara qayıdıram
Ağdam, 13 sentyabr, Tahir Ağaməmmədov, AZƏRTAC
Bu gün mənim üçün unudulmaz gündür. Uzun illərdən sonra doğma torpaqlara qayıdıram.
Bu sözləri Ağdamda AZƏRTAC-ın bölgə müxbirinə açıqlamasında Xocalının Daşbulaq kəndinə köç edən keçmiş məcburi köçkün Gülçöhrə Əliyeva deyib.
“Doğma torpaqlardan köçmək məcburiyyətində qalanda gənc qız idim. İllərlə o yerlərin həsrəti ilə yaşadım, bir gün yenidən qayıdacağımıza ümidimi itirmədim. Artıq həsrət dolu illər geridə qalır, qarşıda isə bizi doğma yurdumuzda xoş günlər gözləyir”, - deyə o bildirib.
Bölmənin digər xəbərləri
