KLİÇKO QARDAŞLARI ALMANİYANIN ƏN NÜFUZLU MEDİA MÜKAFATINA LAYİQ GÖRÜLMÜŞLƏR

05.12.2005 [15:40]
Çap et
A⁺ A^-

AZƏRTAC Ukrinforma istinadla xəbər verir ki, Ukraynanın məşhur peşəkar boksçuları Vitali və Vladimir Kliçkolar Almaniyanın ən nüfuzlu media mükafatına – Bamby mükafatına layiq görülmüşlər. Onlara bu mükafatı “İdman” nominasiyasında, “boksa son dərəcə yeni keyfiyyət verməyə görə” və “cəsurluq, mübariz ruh və intellekt simbiozuna görə” almışlar.

57 il əvvəl təsis olunmuş Bamby mükafatı ilə hər il dünya miqyaslı “ulduzlar”, görkəmli ictimai xadimlər – fövqəladə bacarıqları, dahi ideyaları, yaradıcılıq yüksəlişi və ya fəal ictimai mövqeyi ilə məşhurlaşan şəxslər təltif edilirlər.

Builki laureatlar arasında sabiq ABŞ Prezidenti Bill Klinton, futbol ulduzu Frans Bekkenbauer, müğənni Merayya Keri, Nobel mükafatı laureatı Teodor Henş də var. Əvvəllər Bamby mükafatına Nelson Mandella, Elton Con, Paulo Koelyo, Boris Yeltsin də layiq görülmüşlər.

KLİÇKO QARDAŞLARI ALMANİYANIN ƏN NÜFUZLU MEDİA MÜKAFATINA LAYİQ GÖRÜLMÜŞLƏR

MÜƏLLİFLƏ ƏLAQƏ

Bölmənin digər xəbərləri