Koçaryan və Sarkisyan ədalət məhkəməsi qarşısında cavab verməlidirlər
Bakı, 26 fevral (AZƏRTAC). Xocalı soyqırımının 20-ci ildönümü ilə əlaqədar Bakıda keçirilmiş ümumxalq yürüşünün iştirakçısı Əli Tağıyev AZƏRTAC-a müsahibəsində demişdir: “Xocalı qırğınına görə məsuliyyət Ermənistanın sabiq prezidenti Robert Koçaryanın və indiki prezident Serj Sarkisyanın üzərinə düşür. Buna görə onlar ədalət məhkəməsi qarşısında cavab verməli olacaqlar”.
“Qarabağda separatçı hərəkata Koçaryan və Sarkisyanın başçılıq etdiyini təsdiqləyən faktlar çoxdur. Üstəlik, onlar özləri Xocalıda bu dəhşətli cinayəti törətdiklərini dəfələrlə etiraf etmişlər”, - deyən Ə.Tağıyev fikrini belə tamamlamışdır: “Ermənilər türk dünyasına qarşı ciddi mübarizə aparırlar. Buna görə biz də öz qüvvələrimizi birləşdirməliyik ki, onlara müqavimət göstərək. Ermənilərin iç üzünü bütün dünya bilməlidir, onlar gec-tez öz cəzalarını almalıdırlar”.
Bölmənin digər xəbərləri
