KÖLNDƏ PARTLAYIŞ NƏTICƏSINDƏ 17 NƏFƏR AĞIR YARALANMIŞDIR

11.06.2004 [12:13]
Çap et
A⁺ A^-

AZƏRTAC-ın xüsusi müxbiri xəbər verir ki, Almaniyanın Köln şəhərinin əsasən türklərin yığcam şəkildə məskunlaşdığı məhəllələrdən birində baş vermiş partlayış nəticəsində 17 nəfər ağır xəsarət almışdır. Yaralananların hamısı xəstəxanalara yerləşdirilmişdir. Dörd yaralının vəziyyəti son dərəcədə ağırdır.

Hadisə böyük yaşayış binasının alt mərtəbəsində türk iş adamlarına məxsus ofis və məişət xidməti obyektlərinin girəcəyində törədilmişdir. Partlayışı törədənlərin şəxsiyyəti və cinayətin səbəbləri hələlik müəyyən edilməmişdir.

Təhlükəsizlik orqanlarının ilkin məlumatlarına görə, üstünə bomba bərkidilmiş velosiped binanın girəcəyində saxlanmışdır. Cinayətkarlar partlayıcı qurğunu işə salaraq hadisə yerindən uzaqlaşmışlar.

KÖLNDƏ PARTLAYIŞ NƏTICƏSINDƏ 17 NƏFƏR AĞIR YARALANMIŞDIR

MÜƏLLİFLƏ ƏLAQƏ

Bölmənin digər xəbərləri