Komitə sədri Şuşada vətəndaşların müraciətlərini dinləyib
Bakı, 1 iyul, AZƏRTAC
Dini Qurumlarla İş üzrə Dövlət Komitəsinin sədri Ramin Məmmədov iyulun 1-də Şuşa şəhərində vətəndaşlarla görüşüb.
Dövlət Komitəsindən AZƏRTAC-a bildirilib ki, əvvəlcə Ümummilli Lider Heydər Əliyevin Şuşa rayonunda Azərbaycan Prezidentinin Xüsusi Nümayəndəliyinin inzibati binasında yerləşən büstünün önünə gül dəstələri düzülüb, xatirəsi ehtiramla yad olunub.
Görüşdə Şuşa şəhəri, həmçinin Ağdam və Bərdə rayonlarından olan vətəndaşlar İslam dininə aid ibadət yerlərinə, ziyarətgahlara din xadiminin təyinatı, maarifləndirmə işinin genişləndirilməsi və digər məsələlərlə bağlı müraciət ediblər.
Dövlət Komitəsinin aidiyyəti struktur bölmə rəhbərlərinin iştirakı ilə keçirilmiş qəbulda vətəndaşların müraciət və təklifləri dinlənilib, müvafiq tədbirlərin görülməsi ilə bağlı tapşırıqlar verilib.
Bölmənin digər xəbərləri
