KÜR ÇAYININ DELTASINDA TƏMİZLƏMƏ İŞLƏRİ MÜSBƏT NƏTİCƏLƏR VERİR
Bakı, 17 may (AZƏRTAC). Neftçala rayon fövqəladə hallar komissiyasının sədri Dilavər Əliyev bildirmişdir ki, Kür çayının deltasının təmizlənməsinə 7 gəmi cəlb olunmuşdur. Xəzər Dəniz Gəmiçiliyinin və Dövlət Neft Şirkətinin gəmiləri Kür çayının yeni qolunun qazılması və Kürün Xəzərə qovuşduğu yerin lildən təmizlənməsi işlərini həyata keçirirlər. Deltanın dərinləşdirilməsi prosesi dənizin içərisində də aparılacaqdır. Bütün bu işlərin görülməsi Kür çayının suyunun dənizə axmasını xeyli sürətləndirmişdir. Nəticədə Kürdə suyun səviyyəsi xeyli aşağı düşmüşdür.
Bölmənin digər xəbərləri
