LƏNKƏRANDA DÖVLƏT MÜSTƏQİLLİYİGÜNÜ TƏNTƏNƏ İLƏ QEYD EDİLMİŞDİR

19.10.2006 [12:12]
Çap et
A⁺ A^-

AZƏRTAC-ın müxbiri xəbər verir ki, Lənkəran Dövlət Dram Teatrında Azərbaycanın dövlət müstəqilliyinin 15 illiyi təntənə ilə qeyd edilmişdir.

Tədbir iştirakçıları şəhərin mərkəzi meydanında ümummilli liderimiz Heydər Əliyevin abidəsinin önünə gül-çiçək dəstələri düzmüş, böyük öndərin xatirəsini ehtiramla yad etmişlər.

Toplantıda şəhər icra hakimiyyəti başçısının birinci müavini İlqar Dadaşov çıxış edərək 1991-ci ildə Azərbaycanın yenidən dövlət müstəqilliyini əldə etməsini tarixi nailiyyət kimi qiymətləndirmiş, müstəqilliyimizin ilk illərində respublikamızın ictimai-siyasi həyatında baş verən hadisələrdən, AXC-Müsavat hakimiyyəti dövründəki özbaşınalıqdan, xaos və vətəndaş müharibəsi təhlükəsindən danışmış, xalqımızın təkidli tələbi ilə yenidən hakimiyyətə qayıdan Heydər Əliyevin ölkəmizin düçar olduğu bəlalardan qurtulmasında, Azərbaycanın dünyanın qüdrətli və nüfuzlu ölkə kimi tanınmasında xidmətlərini vurğulamışdır.

Mərasimdə Dövlət Müstəqilliyi gününə həsr olunmuş ədəbi-bədii kompozisiya nümayiş etdirilmişdir.