LEONİD KUÇMA PREZİDENTLİYƏ NAMİZƏDLİYİNİ İRƏLİ SÜRMƏYƏCƏK

10.06.2004 [13:02]
Çap et
A⁺ A^-

AZƏRTAC-ın Kiyevdən aldığı xəbərə görə, Ukrayna Prezidenti Leonid Kuçma prezidentliyə namizədliyini üçüncü dəfə irəli sürmək niyyətində deyildir. O, mətbuat konfransında bildirmişdir ki, “mən bu barədə bəyanat vermişəm və qərarımı dəyişmək niyyətində deyiləm”. L.Kuçma yarı zarafat, yarı ciddi əlavə etmişdir ki, “Ukraynaya Kuçmasız baxmaq istərdim”.

Leonid Kuçma jurnalistlərin suallarına cavab verərək vurğulamışdır ki, əgər o, prezidentliyə namizədliyini irəli sürsəydi, Baş nazir Viktor Yanukoviç “bir andaca dünyanın ən xoşbəxt adamı olardı”. Belə ki, bu yükü üstündən atardı. Qeyd edək ki, Viktor Yanukoviç Ukrayna prezidentliyinə namizədlərdən biri sayılır.

Kuçma əmin olduğunu demişdir ki, prezident seçkilərində daha bir dəfə qalib gələ bilərdi. Ukraynada prezident seçkiləri kampaniyası iyulun 4-də başlanacaq, seçkilər isə oktyabrın 31-də keçiriləcəkdir.

LEONİD KUÇMA PREZİDENTLİYƏ NAMİZƏDLİYİNİ İRƏLİ SÜRMƏYƏCƏK

MÜƏLLİFLƏ ƏLAQƏ

Bölmənin digər xəbərləri