LUÇANO PAVAROTTİ OPERA SƏHNƏSİNƏ SON DƏFƏ ÇIXDI

15.03.2004 [21:26]
Çap et
A⁺ A^-

AZƏRTAC-ın xarici informasiya agentliklərindən aldığı xəbərdə deyilir ki, Luçano Pavarotti martın 13-də “Metropoliten-Opera”nın səhnəsinə son dəfə çıxmışdır. Əfsanəvi italiyalı tenorun sözlərinə görə, Nyu-Yorkun ən məşhur konsert salonunun səhnəsində səslənən Puççininin “Toska” operasında Kavaradossinin partiyası onun opera səhnəsində son çıxışı idi.

Pavarotti tamaşadan əvvəl verdiyi müsahibədə bildirmişdir ki, bu, artıq 379-cu dəfə çıxdığı “Metropoliten”in səhnəsində deyil, ümumiyyətlə, operada son ifasıdır. O demişdir: “Düşünürəm ki, səhnə ilə vidalaşmaq vaxtı çatmışdır”.

İki il əvvəl xəstəliyi üzündən “Metropoliten”də vida ifasını təxirə saldıqdan sonra Pavarotti cəmi 5 dəfə - 4 dəfə Londonda və 1 dəfə Berlində çıxış etmişdir.

Luçano Pavarotti dünyanın ən iri və mötəbər opera salonlarından biri olan “Metropoliten-Opera”nın səhnəsinə ilk dəfə 1968-ci ildə çıxmışdır. Ustadın indiki vida tamaşasına 4 min biletin hamısı satılmışdı.

LUÇANO PAVAROTTİ OPERA SƏHNƏSİNƏ SON DƏFƏ ÇIXDI

MÜƏLLİFLƏ ƏLAQƏ

Bölmənin digər xəbərləri