Lüksemburq-Azərbaycan matçının birinci hissəsi meydan sahiblərinin üstünlüyü ilə yekunlaşıb
Bakı, 1 sentyabr, AZƏRTAC
Futbol üzrə dünya çempionatının seçmə mərhələsi çərçivəsində keçirilən Lüksemburq-Azərbaycan oyununun birinci hissəsi başa çatıb.
AZƏRTAC xəbər verir ki, millimiz oyuna uğursuz start verib və erkən qola üzülüb. Matçın 8-ci dəqiqəsində lüksemburqlu futbolçu Mika Pinto hesabı açıb. İyirmi dəqiqə sonra millimizin qapısına təyin olunmuş penalti zərbəsini dəqiq yerinə yetirən Jerson Rodriges komandasını hesabda önə çıxarıb.
Matçın birinci hissəsi Lüksemburq yığmasının 2:0 hesablı üstünlüyü ilə yekunlaşıb.
Qeyd edək ki, iki oyundan sonra xalı olmayan Azərbaycan millisi sonuncu pillədə qərarlaşıb. Lüksemburq isə 3 xalla üçüncüdür.
Bölmənin digər xəbərləri
