Macarıstan Universitetinin professoru UNEC-də mühazirə deyib
Bakı, 5 iyun, AZƏRTAC
Macarıstanın Miskolç Universitetinin professoru İstvan Kunos “Erasmus+” mübadilə proqramı çərçivəsində Azərbaycan Dövlət İqtisad Universitetində (UNEC) olub.
UNEC-dən AZƏRTAC-a bildirilib ki, professor UNEC-in Beynəlxalq əməkdaşlıq departamentinin əməkdaşları ilə görüşüb və hər iki universitet arasında əməkdaşlığa dair fikir mübadiləsi aparıb.
Professor UNEC-in Beynəlxalq İqtisadiyyat Məktəbinin tələbələrinə “Zamanın idarəolunması” (time-management) və “Yumşaq bacarıqlar” (soft skills) mövzularında mühazirə də deyib.
UNEC-in infrastrukturu ilə tanış olan macar professoru müəllim və tələbələr üçün yaradılan şəraiti, eləcə də elektron tədris prosesinin təşkilini yüksək qiymətləndirib.
Bölmənin digər xəbərləri
