MANİSA ŞƏHƏRİNDƏKİ AZƏRDƏR RESPUBLİKA GÜNÜ MÜNASİBƏTİLƏ SƏRGİ TƏŞKİL ETMİŞDİR

30.10.2006 [12:44]
Çap et
A⁺ A^-

AZƏRTAC-ın xüsusi müxbiri xəbər verir ki, Türkiyənin Manisa şəhərindəki Azərbaycan Mədəniyyət və Həmrəylik Dərnəyi (Azərdər) Respublika günü münasibətilə qondarma “erməni soyqırımı” iddialarına cavab olaraq ermənilərin Azərbaycanda və Türkiyənin şərq əyalətlərində törətdikləri qətliamlara dair sərgi açmışdır.

Manisa bələdiyəsinin mədəniyyət mərkəzində təşkil olunmuş sərginin açılışında vali Refik Arslan, bələdiyyənin nümayəndələri, şəhər sakinləri iştirak etmişlər. Dərnəyin sədri Seyfəddin Ayakyay çıxışında bidirmişdir ki, ulu öndər Heydər Əliyevin “Bir milllət, iki dövlət” kəlamını rəhbər tutan azərbaycanlılar hər zaman qardaş Türkiyə xalqının dəstəyini hiss etmişdir və onunla birlikdə erməni təbliğatına qarşı bundan sonra da mübarizə aparmaq əzmindədir.

Sərgidə ermənilərin müxtəlif dövrlərdə Bakı, Xocalı, Kəlbəcər, Şuşa, Laçın, Ağdam, Fizuli, Cəbrayıl, Zəngilan və Qubadlıda törətdikləri vəhşilikləri əks etdirən sənədlər və fotoşəkillər nümayiş etdirilmişdir.

Açılış mərasimindən sonra azərbaycanlı musiqiçilərin ifasında xalq mahnıları səslənmişdir.