MİLLİ BANKIN VALYUTA EHTİYATLARI 860,31 MİLYON ABŞ DOLLARINA ÇATMIŞDIR

03.11.2004 [11:30]
Çap et
A⁺ A^-

Milli Bankın mətbuat xidmətindən AZƏRTAC-a bildirmişlər ki, 2004-cü ilin əvvəlindən müşahidə olunan davamlı artım nəticəsində Milli Bankın sərəncamında olan valyuta ehtiyatlarının həcmi oktyabr ayının sonuna - 860,31 milyon ABŞ dolları təşkil etmişdir. Ehtiyatlardakı artım ilin əvvəli ilə müqayisədə (757,1 milyon ABŞ dolları) 13,68 faiz təşkil etmişdir.

2004-cü ilin 10 ayı ərzində Beynəlxalq Valyuta Fondunun kreditləri üzrə əsas borcun qaytarılmasına və faiz borclarının ödənilməsinə 54,09 milyon ABŞ dolları məbləğində vəsait sərf olunmuşdur. Beləliklə, nisbi artım 157 milyon ABŞ dollarından çox olmuşdur. Valyuta ehtiyatlarının artımı əsas etibarilə daxili valyuta bazarında alışlar hesabına baş vermişdir.

Manatın ABŞ dollarına nisbətdə rəsmi məzənnəsi ötən dövr ərzində üzən-tənzimlənən rejimdə 17 manat, yəni 0,35 faiz güclənərək oktyabr ayının sonuna 4906 manat təşkil etmişdir.

MİLLİ BANKIN VALYUTA EHTİYATLARI 860,31 MİLYON ABŞ DOLLARINA ÇATMIŞDIR

MÜƏLLİFLƏ ƏLAQƏ

Bölmənin digər xəbərləri