MİLLİ MƏCLİSDƏ GÖRÜŞ

06.10.2006 [17:54]
Çap et
A⁺ A^-

AZƏRTAC xəbər verir ki, Milli Məclisin beynəlxalq münasibətlər və parlamentlərarası əlaqələr daimi komissiyasının üzvləri ölkəmizdə səfərdə olan Avropa Parlamentinin deputatları ilə görüşmüşlər. Deputat Çingiz Əsədullayev qonaqları salamladıqdan sonra Milli Məclisin fəaliyyəti və beynəlxalq əlaqələr barədə ətraflı məlumat vermişdir. O bildirmişdir ki, Milli Məclis bütün beynəlxalq təşkilatlar, eləcə də dünya ölkələri parlamentləri ilə intensiv əməkdaşlıq edir, intensiv əlaqələr qurur. Avropa Parlamenti ilə münasibətlərimiz də inkişaf edir. Ümid edirik ki, bu cür əməkdaşlığımız əlaqələrimizin inkişafında mühüm rol oynayacaqdır.

Avropa Parlamentinin üzvü Yustas Palekis onlara göstərilən qonaqpərvərliyə və ətraflı məlumata görə minnətdarlığını bildirmişdir. O qeyd etmişdir ki, Azərbaycana səfərdən məqsəd enerji və təhlükəsizlik məsələlərinə həsr olunmuş beynəlxalq konfransda iştirak etməkdir. Konfransda azərbaycanlı gənclərin böyük əksəriyyətinin Azərbaycanın gələcəyini Avropa ilə əlaqələrin inkişafında gördüyünü ifadə etmələri avropalı qonalarda xoş təəssürat yaratmışdır. Y.Palekis qeyd etmişdir ki, Azərbaycan Avropa Birliyi üçün böyük əhəmiyyət kəsb edir. Zəngin təbii ehtiyatlara malik olan Azərbaycanın xoşbəxt gələcəyi vardır. Ümid edirik ki, Ermənistan-Azərbaycan, Dağlıq Qarabağ münaqişəsi beynəlxalq hüquq normaları əsasında həll olunduqdan sonra Azərbaycan daha da inkişaf edəcəkdir.

Görüşdə qarşılıqlı maraq doğuran bir sıra məsələlər ətrafında fikir mübadiləsi aparılmışdır.

MİLLİ MƏCLİSDƏ GÖRÜŞ

MÜƏLLİFLƏ ƏLAQƏ

Bölmənin digər xəbərləri