Mingəçevir su anbarında sululuq təhlil edilmişdir
Bakı, 9 iyul (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti tərəfindən 2012-ci ilin gursululuq dövrü üçün Mingəçevir su anbarında sululuq təhlil edilmişdir.
Nazirliyin mətbuat xidmətindən AZƏRTAC-a bildirmişlər ki, araşdırmalara görə, aprel ayında Mingəçevir su anbarında suyun səviyyəsi 74,57 metrdən 76,06 metrədək, may ayında 76,10 metrdən 77,87 metrədək artmış, iyun ayında isə 77,92 metrdən 77,22 metrədək azalmışdır. Son 13 ildə Mingəçevir su anbarında ən aşağı səviyyə 2000-2002-ci illərdə qeydə alınmışdır.
Bundan əlavə, gursululuq dövrü ərzində bütün aylar üzrə düşən yağıntının miqdarının ötən illə müqayisədə az olduğu müəyyən edilmişdir.
Bölmənin digər xəbərləri
