MİSİR PREZİDENTİNİN SƏLAHİYYƏTLƏRİNİ MÜVƏQQƏTİ OLARAQ BAŞ NAZİR İCRA EDƏCƏK
AZƏRTAC xəbər verir ki, Misirin MENA Agentliyinin yaydığı məlumata görə, fəqərə sütununda cərrahiyyə əməliyyatı aparılması üçün bazar günü Almaniyaya gedən Prezident Hüsni Mübarək öz səlahiyyətlərini müvəqqəti olaraq Baş nazir Atəf Übeydə həvalə etmişdir.
Agentliyin məlumatında həmçinin bildirilir ki, Prezident Hüsni Mübarəkin bel nahiyəsində fəqərəarası disklərin (qığırdaqların) yerdəyişməsi baş vermişdir. Buna görə də həkimlər ona cərrahiyyə əməliyyatı aparılmasını məsləhət görmüşlər. Bu əməliyyat Münxendə aparılacaqdır.
Bölmənin digər xəbərləri
