MÜBARƏK ABŞ-I SƏMƏRƏSİZ VƏ LƏNG FƏALİYYƏT GÖSTƏRMƏKDƏ İTTİHAM ETMİŞDİR
H.Mübarək təkcə ABŞ və BMT-ni deyil, Yaxın Şərq “dördlüyü”nün digər iştirakçılarını – Rusiya və Avropa İttifaqı ölkələrini də tənqid etmişdir. O demişdir: “ABŞ və “dördlüyün” digər üzvləri İsrail-Fələstin münaqişəsinin sülh yolu ilə həlli prosesinin öhdəsindən gələ bilmədiklərini etiraf etməyənədək, bu, yalnız regionda getdikcə yeni-yeni böhranlar doğuracaqdır”.
Misir Prezidenti bundan əvvəl dəfələrlə bəyan etmişdi ki, ABŞ-ın ünvanına ən kəskin tənqidi fikirlər söyləməkdən çəkinmir. O, cari ilin mayında ABŞ-ı beynəlxalq münasibətlərdə, o cümlədən nüvə texnologiyalarının yayılmaması sahəsində ikili standartlar siyasəti yürütməkdə ittiham etmişdir.
Misir Prezidentinin fikrincə, ABŞ İraqa müdaxilə məsələsində beynəlxalq birliyin mövqeyinə əhəmiyyət vermir, dövlətlərin daxili işlərinə qarışır.
Bölmənin digər xəbərləri
