SİYASƏT
Müdafiə Nazirliyi Ağdam rayonunun Sırxavənd kəndinin videogörüntülərini paylaşıb VİDEO
Bakı, 23 fevral, AZƏRTAC
Azərbaycan Respublikasının Müdafiə Nazirliyi Ağdam rayonunun işğaldan azad edilmiş Sırxavənd kəndinin videogörüntülərini yayıb.
AZƏRTAC Müdafiə Nazirliyinin mətbuat xidmətinə istinadla həmin görüntüləri təqdim edir.
Ulubab və Ballıqaya silsilə yüksəkliklərinin əhatəsində, Xaçın çayının sol sahilində yerləşən Sırxavənd kəndi 1992-ci il martın 12-də Ermənistan silahlı qüvvələri tərəfindən işğal olunub. İkinci Qarabağ müharibəsində ordumuzun Şanlı Qələbəsindən sonra Azərbaycan Prezidenti, Rusiya Prezidenti və Ermənistan baş naziri tərəfindən ötən il noyabrın 10-da imzalanmış üçtərəfli Bəyanata əsasən, Ağdam rayonu noyabrın 20-də Azərbaycana təhvil verilib.