Murmansk “Məhsul-2012” bayramına dəvət edir
Bakı, 21 iyul (AZƏRTAC). Murmansk şəhər meriyası avqustun 25-26-da şimallıları Leninsk bazarında keçiriləcək ənənəvi “Məhsul-2012” kənd təsərrüfatı yarmarkasında dəvət edir.
Azərbaycan diasporunun nümayəndəsi Əlihüseyn Şükürov AZƏRTAC-a bildirmişdir ki, məhsul yarmarkasında Murmansk vilayəti müəssisələrinin ət və süd məhsullarının, maral ətindən məhsulların, təzə və dondurulmuş balıq, bal, meyvə-tərəvəz, şirniyyat və un məmulatları, toxum və çoxillik güllərin satışı nəzərdə tutulmuşdur.
Qeyd edək ki, Azərbaycandan Murmanska neçə illərdir ki, kənd təsərrüfatı məhsulları gətirilir. “Məhsul-2012” bayramında Azərbaycandan gətirilmiş göyərti, meyvə-tərəvəz və quru meyvələr satışa çıxarılacaq, Murmansk şəhər meriyasının rəhbərliyi, vilayət İctimai Palatasının üzvləri, Azərbaycan diasporunun nümayəndələri, xüsusilə Ümumrusiya Azərbaycan Konqresi regional bölməsinin fəalları ilə görüşlər keçiriləcəkdir.
Bölmənin digər xəbərləri
