MÜSƏLMAN UŞAQLARIN XAHİŞİ YERİNƏ YETİRİLMİŞDİR

28.10.2004 [17:47]
Çap et
A⁺ A^-

AZƏRTAC-ın xarici informasiya agentliklərindən aldığı xəbərdə deyilir ki, ABŞ-ın Bankroft orta məktəbinin rəhbərliyi Ramazan ayında müsəlman şagirdlərin nahar vaxtı məktəb yeməkxanasına gəlməməsinə icazə vermişdir. Lakin məktəb rəhbərliyinin tələbinə əsasən, bunun üçün valideynlər övladlarının müqəddəs orucluq ayı ilə əlaqədar qida qəbulundan imtina etdiklərini yazılı surətdə bildirməlidir.

Əvvəllər müsəlman şagirdlərə məktəbin binasında namaz qılmağa icazə vermirdirlər. Bundan başqa, orucluqda onları digər uşaqlarla birlikdə nahar zamanı məktəb yeməkxanasında olmağa məcbur edirdilər. Vəziyyət yalnız iki müsəlman uşağın anasının təhsil departamentinə yazdığı şikayət ərizəsindən sonra dəyişmişdir.

Bundan sonra şagirdlərə məktəbdə namaz qılmaq üçün xüsusi otaq ayrılmış, həmçinin oruc tutanların nahar vaxtı yeməkxanada olması kimi mənasız tələb aradan qaldırılmışdır.

MÜSƏLMAN UŞAQLARIN XAHİŞİ YERİNƏ YETİRİLMİŞDİR

MÜƏLLİFLƏ ƏLAQƏ

Bölmənin digər xəbərləri