MUSİQİ ESTAFETİ UŞAQLARA ÖTÜRÜLÜR
AZƏRTAC xəbər verir ki, noyabrın 22-də Azərbaycan Limassolda (Kipr) keçirilən VI “Junior Evrovizion-2008” müsabiqəsində debütantlar (İsrail, Bosniya və Herseqovina) sırasında iştirak edəcəkdir. Avropa Xəbərlər İttifaqının (AXİ) keçirəcəyi müsabiqədən məqsəd, əvvəllər olduğu kimi, populyar musiqi sahəsində istedadların aşkar edilməsidir. Qeyd edək ki, ölkəmizi təmsil edəcək müsabiqə iştirakçıları yaxın zamanlarda müəyyən ediləcəkdir.
Bu il müsabiqənin qaydaları bir qədər dəyişdirilmişdir. İlk dəfə olaraq 50/50-yə (tamaşaçılar və münsiflər heyəti) səsvermə sistemindən istifadə ediləcəkdir. Bu ildən səhnədə səkkiz yox, altı ifaçının olmasına icazə verilmişdir. Daha bir prinsipial dəyişiklik ondan ibarətdır ki, böyüklər müsabiqə mahnılarının ancaq həmmüəllifi ola bilərlər, mahnıların hüquqları isə uşaqlara məxsus olmalıdır.
Bölmənin digər xəbərləri
