Musiqi məktəbinin şagirdləri beynəlxalq müsabiqənin qalibləridirlər
Bakı, 29 iyun, AZƏRTAC
Bakı Şəhər Mədəniyyət Baş İdarəsi 24 nömrəli onbirillik musiqi məktəbində fortepiano ixtisası üzrə təhsil alan şagirdlər Xədicə Abdurahmanova və Şəfiqə Muradova Qazaxıstanın Nur-Sultan şəhərində “Z-Group” Beynəlxalq Təşkilat Komitəsi tərəfindən keçirilən “Art Sensation” beynəlxalq çoxjanrlı müsabiqədə iştirak ediblər.
İdarədən AZƏRTAC-a bildirilib ki, gənc pianoçular öz yaş qrupları üzrə münsiflər heyətinin qərarı ilə birinci yerə layiq görülüblər.
Qeyd edək ki, onların müəllimi Elxan Quliyev yüksək pedaqoji ustalığına, milli mədəniyyətin və dünya mədəniyyətinin inkişafına töhfələrinə görə münsiflər heyəti tərəfindən “Təşəkkürnamə” ilə mükafatlandırılıb.
Bölmənin digər xəbərləri
