NAPOLEONUN ƏSGƏRLƏRİ 200 İLDƏN SONRA TORPAĞA TAPŞIRILMIŞDIR

21.06.2004 [19:53]
Çap et
A⁺ A^-

AZƏRTAC-ın xüsusi müxbiri xəbər verir ki, Almaniyanın Erfurt şəhərində tarixdə nadir dəfn və matəm mərasimi keçirilmişdir. Napoleon ordusunun 120 əsgərinin cənazələrinin Almaniyada tapılmış qalıqları Erfurt şəhərinin fəxri məzarlığında 200 ildən sonra torpağa tapşırılmışdır.

Arxeoloqlar fransız əsgərlərinin cənazələrinin qalıqlarını Brül şəhərində qazıntı işləri apararkən, torpaq altında qalmış zirzəmidə aşkar etmişlər. Cənazələrin qalıqlarını tədqiq edən mütəxəssislərin qənaətinə görə, onlar Napoleon ordusunun Almaniyada həlak olmuş əsgərlərinin qalıqlarıdır. Tarixdən də bəllidir ki, Napoleon Bonapart 1806-1813-cü illərdə Erfurt yaxınlığındakı Brül şəhərini də işğal altında saxlamışdır.1813-cü ildə alman ordusunun əks- zərbələrinə tab gətirməyərək tələsik geri çəkilən fransızlar 120 ağır yaralı əsgəri zirzəmidə qoyub qaçmışlar.

Matəm mərasimində Almaniya və Fransa ictimaiyyətinin nümayəndələri, siyasi xadimlər, tarixçi alimlər və din xadimləri iştirak etmişlər.