Naxçıvanda IX siniflər üzrə buraxılış imtahanında yüksək nəticə göstərən şagirdlərin sayı artıb
Naxçıvan, 10 iyun, AZƏRTAC
Naxçıvanda IX siniflər üzrə keçirilən buraxılış imtahanında 250-300 bal aralığında nəticə göstərən şagirdlərin sayı ötən illə müqayisədə 29 faiz artıb.
Naxçıvan Muxtar Respublikası Təhsil Nazirliyinin mətbuat xidmətindən AZƏRTAC-ın bölgə müxbirinə bildirilib ki, Dövlət İmtahan Mərkəzi tərəfindən ümumi (9 illik) orta təhsil səviyyəsi üzrə 2025-ci il aprelin 27-də keçirilən buraxılış imtahanının nəticələri elan olunub.
İmtahanda muxtar respublikanın ümumtəhsil müəssisələrindən 188 şagird 250-300 intervalında bal toplayıb.
Qeyd edək ki, 2023-2024-cü tədris ilində isə 146 şagird 250-300 intervalında bal toplamışdı.
Bölmənin digər xəbərləri
