NEFTAYIRANLAR ÜÇÜN YENİ YAŞAYIŞ EVLƏRİ İSTİFADƏYƏ VERİLMİŞDİR
Dekabrın 26-da “Azərneftyağ” İstehsalat Birliyinin işçiləri üçün 70 mənzildən ibarət iki yaşayış binası istifadəyə verilmişdir. Hər cür kommunal rahatlığı olan bu binalardakı mənzillərin ümumi sahəsi 5 min 575 kvadratmetrə bərabərdir.
Son dörd ildə istehsalat birliyi neftayıranlar üçün 750 mənzildən ibarət 14 çoxmərtəbəli bina tikib istifadəyə vermiş, nümunəvi yaşayış massivi salmışdır.
Yeni yaşayış binalarının istifadəyə verilməsi münasibətilə keçirilmiş mərasimdə çıxış edənlər Azərbaycanda əhalinin sosial vəziyyətinin yaxşılaşdırılmasına göstərdiyi diqqət və qayğıya görə dövlətimizin başçısı Heydər Əliyevə dərin minnətdarlıqlarını bildirdilər, mərasim iştirakçılarını Dünya azərbaycanlılarının həmrəyliyi günü və Yeni il bayramı münasibətilə ürəkdən təbrik etdilər.
Bölmənin digər xəbərləri
