“Neftçi”nin sabiq prezidenti “Roma” -“Zaltsburq” oyununa təyinat alıb
Bakı, 21 fevral, AZƏRTAC
“Neftçi” futbol klubunun sabiq prezidenti Orxan Hüseynzadə yeni təyinat alıb.
AZƏRTAC xəbər verir ki, o, İtaliyada “Roma” və Avstriyanın “Zaltsburq” komandası arasında keçiriləcək Avropa Liqasının pley-off mərhələsinin cavab matçında UEFA nümayəndəsi olacaq.
Qeyd edək ki, fevralın 23-də oynanılacaq qarşılaşma Bakı vaxtı ilə saat 00:00-da başlayacaq. İlk görüşdə Avstriya təmsilçisi minimal hesablı qələbə qazanıb - 1:0.
Orxan Hüseynzadə 2017-2018-ci illərdə “Neftçi”nin prezidenti olub.
Bölmənin digər xəbərləri
