NORVEÇ HÖKUMƏTİ İCTİMAİ YERLƏRDƏ SİQARET ÇƏKMƏYƏ QADAĞA QOYMUŞDUR
AZƏRTAC-ın xarici informasiya agentliklərindən aldığı xəbərə görə, Norveç ictimai yerlərdə siqaret çəkməyi tamamilə qadağan edən ikinci ölkə olacaqdır. İyunun 1-dən hətta bar və restoranlarda da siqaret çəkməyə qadağa qoyulacaqdır. Beləliklə, Norveç tütün əleyhinə hərəkatın öndəri olan İrlandiyaya qoşulmuşdur. Xatırladaq ki, İrlandiya belə tədbirləri martın 29-dan həyata keçirməyə başlamışdır. Norveçin səhiyyə naziri Daqfinn Heybrotten demişdir: “Bu addım millətimizin sağlamlığının müdafiəsi sahəsində siyasətimizin ən vacib dönüş nöqtəsidir”
Ölkədə bu məqsədlə keçirilmiş ictimai rəy sorğusu göstərmişdir ki, norveçlilərin böyük əksəriyyəti həmin qadağanı dəstəkləyir. Dünya Səhiyyə Təşkilatının məlumatına görə, hazırda Norveçdə yaşlı əhalinin təxminən 26 faizi siqaret çəkir.
Bölmənin digər xəbərləri
