Oğuz meşəbəyliyinin Xaçmaz bölməsinin 3-cü dolayında baş vermiş yanğın söndürülüb
Bakı, 4 avqust (AZƏRTAC). Şahdağ Milli Parkının Oğuz meşəbəyliyinin Xaçmaz bölməsinin 3-cü dolayının yüksək dağlıq ərazisində ildırım vurması nəticəsində baş vermiş yanğın Ekologiya və Təbii Sərvətlər Nazirliyinin (ETSN) müvafiq yerli qurumlarının və Fövqəladə Hallar Nazirliyinin Yanğından Mühafizə İdarəsinin əməkdaşlarının köməyi ilə avqustun 4-də səhər saat 11 radələrində söndürülüb.
ETSN-in mətbuat xidmətindən AZƏRTAC-a bildirilib ki, yanğın nəticəsində ərazidəki quru ot və kol örtüyünə ziyan dəyib.
Şahdağ Milli Parkının Oğuz meşəbəyliyinin 8-ci dolayında da yanğın hadisəsi baş verib. Hazırda yanğının qarşısının alınması istiqamətində tədbirlər görülür.
Bölmənin digər xəbərləri
