OMBUDSMAN APARATININ ƏMƏKDAŞI ATƏT-İN İLLİK GÖRÜŞÜNDƏ İŞTİRAK EDƏCƏK
Demokratik seçkilər, humanitar problemlər, vətəndaşlıq, siyasi hüquqlar və digər aktual məsələlərin müzakirə olunacağı tədbirdə A.Səfixanlı “Ombudsman və milli insan hüquqları təsisatları” mövzusunda çıxış edərək, Azərbaycanda insan hüquqlarının qorunması sahəsində həyata keçirilən islahatlar, Ombudsmanın insan hüquqlarının müdafiəsi istiqamətində fəaliyyəti, ərizə və şikayətlərin dövlət orqanları ilə birlikdə araşdırılması, cəzaçəkmə müəssisələrində, istintaq və müvəqqəti saxlanılma təcridxanalarında, hərbi hissələrdə birgə monitorinqlərin və baxışların keçirilməsi barədə ətraflı məlumat verəcəkdir. O, həmçinin Ermənistanın xalqımıza qarşı apardığı terror və soyqırımı siyasətinin Azərbaycan təbiətinə, tarixinə, mədəniyyətinə və milli-mənəvi dəyərlərinə ağır zərbələr vurması barədə faktları iştirakçıların diqqətinə çatdıracaqdır.
Ombudsman Aparatının əməkdaşı ATƏT-in və digər nüfuzlu beynəlxalq qurumların nümayəndələrini Ermənistanın ölkəmizə təcavüzü nəticəsində qaçqın və məcburi köçkünə çevrilmiş bir milyondan artıq soydaşımızın pozulmuş hüquqlarının bərpası, münaqişənin həlli istiqamətində səy göstərməyə çağıracaqdır.
Bölmənin digər xəbərləri
