“OPEC+” sazişinə 101 faiz əməl olunub
Bakı, 4 fevral, AZƏRTAC
OPEC və qeyri-OPEC ölkələri (“OPEC+”) neft hasilatının azaldılmasına dair öhdəliklərə ötən ilin dekabr ayında 101 faiz əməl edib.
AZƏRTAC xəbər verir ki, bu barədə “OPEC+” Nazirlərinin Birgə Monitorinq Komitəsinin (JMMC) videokonfrans formatında keçirilən 26-cı iclasında deyilib.
İclasda JMMC Müştərək Texniki Komissiya (JTC) tərəfindən hazırlanan aylıq hesabatı və qlobal neft bazarındakı inkişafları nəzərdən keçirib, OPEC və OPEC-ə üzv olmayan ölkələrinin öhdəliklərə əməletmə səviyyəsindəki müsbət performansı alqışlayıb.
Həmçinin Səudiyyə Ərəbistanının bu il fevralın 1-dən etibarən 2 ay ərzində qüvvədə olacaq neft hasilatının könüllü tənzimləməsi təşəbbüsünün əhəmiyyəti də vurğulanıb.
Bölmənin digər xəbərləri
